Premyer Liqanın XXVI turunda bu gün keçiriləcək “Qarabağ” – “Neftçi” görüşünün baş hakimi bəlli olub. Apasport.az saytının xəbərinə görə, Quzanlıda baş tutacaq tarixi derbini Anar Salmanov idarə edəcək.

Anar Salmanovun qardaşı Əziz “Neftçi”də çalışdığından, Qarabağlı azarkeşlər FİFA referisinin bu oyuna təyinat almasından narahat idi. Onlar Salmanovun hakim olacağı təqdirdə, “Qarabağ”a qarşı qərəzli mövqe tutacağından ehtiyatlanırdılar.

Qeyd edək ki, “Qarabağ” – “Neftçi” görüşü saat 16:00-da başlayacaq. “Neftçi” hazırda 53 xalla turnir cədvəlində birinci, “Qarabağ” isə 48 xalla ikinci yerdədir.

• "Latsio" 3 xalı son dəqiqədə qazandı
• Halkın yeni klubu bəlli oldu
• Kurtua məşqlərə qayıtdı
• "Siti" yetirməsini komandada saxlamağı planlaşdırır
• "Fənərbaxça" qərarını verdi: "VEST HEM"Ə QAYIDIR