Araz Abdullayev yenə ehtiyatda qaldı

02.04.2012 - 08:30

Futbol üzrə Yunanıstan çempionatında növbəti turun oyunları keçirilib. Apasport.az saytının məlumatına görə, Azərbaycan milli komandasının futbolçusu Araz Abdullayevin çıxış etdiyi “Panionios” klubu öz meydanında “Levadiakos”la qarşılaşıb. Arazın komandası bu matçda 2:0 hesabı ilə qələbə qazanıb. Oyun ərəfəsində zədədən əziyyət çəkən Abdullayev isə ehtiyatda qalıb. Onun adı “18-liy”ə daxil edilsə də meydana buraxılmayıb.

Qeyd edək ki, 23 turdan sonra hesabında 32 xal olan “Panionios” 16 komanda arasında 9-cu pillədə qərarlaşıb.