Yığmamızın rəqibi DÇ-dən dəm vurur

04.04.2012 - 09:51

Rusiya yığmasının baş məşqçisi Sergey Skoroviç futzal üzrə dünya çempionatının pley-off mərhələsində Azərbaycan milli komandası ilə cavab oyunu öncəsi diqqətini digər yığmalara yönəldib. Apasport.az saytının məlumatına görə, aprelin 9-da Tümendə millimizi qəbul edəcək şimallıların çalışdırıcısı hazırda gənclər yığması ilə işə köklənib. Rusiyanın kişilərdən ibarət bütün yığmalarına rəhbərlik edən Skoroviç gənclərə təlim-məşq toplanışı keçir. O, qarşıda yığmamızla oyun gəlsə də DÇ haqda düşündüyünü açıqlayıb: “Avqustda tələbələr arasında dünya çempionatı keçiriləcək. Portuqaliyadakı yarışa daha yaxşı hazırlaşmaq üçün işə indidən başlamalıyıq”.

Qeyd edək ki. əsas yığmaların da dünya çempionatı bu il baş tutacaq. Yarış Tailandda keçiriləcək.