“Serbiyada Azərbaycan futbolu haqda yaxşı fikirdədirlər” MÜSAHİBƏ
04.04.2012 - 16:57
“Rəvan”ın serbiyalı kapitanı Miloş Zeçeviçin apasport.az saytına müsahibəsi
- Komandanızın cari mövsümdə çıxışını necə dəyərləndirərdiniz?
- Nəzərə alaq ki, Premyer Liqada debüt ilini keçiririk. Bu mənada çıxışımız ilk mövsüm üçün pis deyil. “Altılığ”a düşmək istəyirdik, bu məqsədlə mübarizə apardıq. Ancaq təəssüf ki, istəyimizə çata bilmədik.
- Buna nə səbəb oldu?
- “Altılığ”a düşməyə şansımız vardı. Sadəcə, bəzi oyunlarda qol vəziyyətlərini reallaşdıra bilmədik ki, sonda xal itkisi öz sözünü dedi. Bu, əsasən mövsümün əvvəlinə aiddir. Çempionata pis başladıq. Halbuki, ilk 4 matçda yaxşı oynasaq da, qalib gələ bilmirdik. Ev oyunlarında çoxlu xal itkisi ilə üzləşdik.
- Hazırda 2-ci “altılıq”da mübarizə aparırsınız. Hədəfiniz nədir?
- 7-ci pilləni tutmağa çalışacağıq. Düzdür, son matçımızda pis oynadıq, səfərdə “Kəpəz”ə uduzduq. Çalışacağıq ki, bu uğursuzluğun əvəzini növbəti turlarda çıxaq. Biz yeni komandayıq və sabit çıxış vacibdir. Buna nail olub, ildən-ilə oyunumuzu yaxşılaşdıracağıq.
- Çoxları “Rəvan”ın baxımlı oyun göstərməyindən, güclü rəqiblərin sizinlə görüşlərdə çətinliklə üzləşməyindən danışır. Belə çıxışınızı nə ilə əlaqələndirirsiniz?
- Həqiqətən bir çox oyunlarda yaxşı təsir bağışladıq. Hücum futbol oynamağı sevirik və rəqibdən asılı olmayaraq, bunu nümayiş etdiririk. Heç vaxt müdafiədə “oturmağı” yetərli saymırıq.
- Artıq komandada kapitan sarğısını daşımaq sizə həvalə olunub...
- Bu, mənim üçün xoşdur. Mənə etimad göstərənlərin hamısına minnətdarlığımı bildirirəm. Bu etimadı layiqincə doğrultmağa çalışıram.
- Ölkəmizdə müxtəlif məşqçilərin rəhbərliyi altında çıxış etmisiniz. Onların işini necə qiymətləndirərdiniz?
- Hər məşqçinin özünəməxsus iş üslubu var, hazırlıq proqramı, futbola baxışı var. Heç biri haqda pis fikir söyləyə bilmərəm. Hazırkı çalışdırıcımız nizam-intizama xüsusi diqqət yetirir.
- Artıq 3 ildir Azərbaycandasınız. Premyer Liqa sizdə hansı təəssürat oyadır?
- Fikrimcə, çempionatını səviyyəsi ildən-ilə yaxşılaşır. Mənə elə gəlir ki, 2-3 ilə daha güclü olacaq. Məqsədim daha çox oynayıb, futbolunuzun səviyyəsinin qalxmağına, inkişafa öz töhfəmi verməkdir.
- Ölkəmizdə nə qədər çıxış etməyi planlaşdırırsınız?
- Azərbaycan, Bakı xoşuma gəlir. Paytaxtınız günü-gündən gözəlləşir. Burda uzun müddət oynamaq istərdim. Əgər zədə problemim olmasa, burada uzun müddət çıxış edə bilərəm.
- Müqaviləniz nə vaxta kimdir?
- İyunda bitir. Vaxtı gələndə rəhbərliklə müqavilə məsələsini danışacağıq. Ümid edirəm ki, razılığa gələcəyik. Müqaviləmi uzatmaq istərdim.
- Yeni mövsümdə nəyə ümid edirsiniz?
- Fikrimcə, gələn mövsüm “altılığ”a düşə bilərik.
- Vətəninizdə Azərbaycan futbolu haqda nə düşünürlər?
- Serbiyada Azərbaycan futbolu haqda yaxşı fikirdədirlər. Bir sıra oyunçularımız burada oynadıqlarından, futbolunuz, çempionatınız haqda məlumatlıdırlar. Həmyerlilərimdən Branimir Subaşiç Azərbaycan milli komandasında da çıxış edir.
Mehman SÜLEYMANOV
- Komandanızın cari mövsümdə çıxışını necə dəyərləndirərdiniz?
- Nəzərə alaq ki, Premyer Liqada debüt ilini keçiririk. Bu mənada çıxışımız ilk mövsüm üçün pis deyil. “Altılığ”a düşmək istəyirdik, bu məqsədlə mübarizə apardıq. Ancaq təəssüf ki, istəyimizə çata bilmədik.
- Buna nə səbəb oldu?
- “Altılığ”a düşməyə şansımız vardı. Sadəcə, bəzi oyunlarda qol vəziyyətlərini reallaşdıra bilmədik ki, sonda xal itkisi öz sözünü dedi. Bu, əsasən mövsümün əvvəlinə aiddir. Çempionata pis başladıq. Halbuki, ilk 4 matçda yaxşı oynasaq da, qalib gələ bilmirdik. Ev oyunlarında çoxlu xal itkisi ilə üzləşdik.
- Hazırda 2-ci “altılıq”da mübarizə aparırsınız. Hədəfiniz nədir?
- 7-ci pilləni tutmağa çalışacağıq. Düzdür, son matçımızda pis oynadıq, səfərdə “Kəpəz”ə uduzduq. Çalışacağıq ki, bu uğursuzluğun əvəzini növbəti turlarda çıxaq. Biz yeni komandayıq və sabit çıxış vacibdir. Buna nail olub, ildən-ilə oyunumuzu yaxşılaşdıracağıq.
- Çoxları “Rəvan”ın baxımlı oyun göstərməyindən, güclü rəqiblərin sizinlə görüşlərdə çətinliklə üzləşməyindən danışır. Belə çıxışınızı nə ilə əlaqələndirirsiniz?
- Həqiqətən bir çox oyunlarda yaxşı təsir bağışladıq. Hücum futbol oynamağı sevirik və rəqibdən asılı olmayaraq, bunu nümayiş etdiririk. Heç vaxt müdafiədə “oturmağı” yetərli saymırıq.
- Artıq komandada kapitan sarğısını daşımaq sizə həvalə olunub...
- Bu, mənim üçün xoşdur. Mənə etimad göstərənlərin hamısına minnətdarlığımı bildirirəm. Bu etimadı layiqincə doğrultmağa çalışıram.
- Ölkəmizdə müxtəlif məşqçilərin rəhbərliyi altında çıxış etmisiniz. Onların işini necə qiymətləndirərdiniz?
- Hər məşqçinin özünəməxsus iş üslubu var, hazırlıq proqramı, futbola baxışı var. Heç biri haqda pis fikir söyləyə bilmərəm. Hazırkı çalışdırıcımız nizam-intizama xüsusi diqqət yetirir.
- Artıq 3 ildir Azərbaycandasınız. Premyer Liqa sizdə hansı təəssürat oyadır?
- Fikrimcə, çempionatını səviyyəsi ildən-ilə yaxşılaşır. Mənə elə gəlir ki, 2-3 ilə daha güclü olacaq. Məqsədim daha çox oynayıb, futbolunuzun səviyyəsinin qalxmağına, inkişafa öz töhfəmi verməkdir.
- Ölkəmizdə nə qədər çıxış etməyi planlaşdırırsınız?
- Azərbaycan, Bakı xoşuma gəlir. Paytaxtınız günü-gündən gözəlləşir. Burda uzun müddət oynamaq istərdim. Əgər zədə problemim olmasa, burada uzun müddət çıxış edə bilərəm.
- Müqaviləniz nə vaxta kimdir?
- İyunda bitir. Vaxtı gələndə rəhbərliklə müqavilə məsələsini danışacağıq. Ümid edirəm ki, razılığa gələcəyik. Müqaviləmi uzatmaq istərdim.
- Yeni mövsümdə nəyə ümid edirsiniz?
- Fikrimcə, gələn mövsüm “altılığ”a düşə bilərik.
- Vətəninizdə Azərbaycan futbolu haqda nə düşünürlər?
- Serbiyada Azərbaycan futbolu haqda yaxşı fikirdədirlər. Bir sıra oyunçularımız burada oynadıqlarından, futbolunuz, çempionatınız haqda məlumatlıdırlar. Həmyerlilərimdən Branimir Subaşiç Azərbaycan milli komandasında da çıxış edir.
Mehman SÜLEYMANOV
Oxşar xəbərlər
Ana səhifə
Bütün xəbərlər