“Kostulen” klubunun futbolçusu Viktor Qonta Moldova mətbuatına müsahibə verib. Apasport.az saytının məlumatına görə, futbolçu Azərbaycan karyerası haqda da danışıb.

- “Kostulen”ə necə gəldiniz?
- Azərbaycanda oynadığım son oyun ərəfəsində zədələndim. Məşq zamanı ayağım qırıldı. Bundan sonra vətənə qayıtdım. Ayağım 2 ay gipsdə qaldı.

- Qış fasiləsində hansısa təkliflər var idi?
- Azərbaycan klublarından birinə baxışa getməli idim. Lakin təklif həddən artıq gec oldu. Azərbaycanda çempionat tez davam etdirildi və baxışa getməyə vaxtım olmadı.

- Düzdür ki, “Turan” sizin müalicənizin xərclərini ödəməkdən imtina etdi?
- Bəli, təəssüf ki, bu belədir.

- Komandadan ayrılmağınıza əsas səbəb budur?
- Tam yox. Mənim klubla müqaviləm bitirdi. Onlar mənə yeni anlaşma təklif etdilər. Lakin bunu istəmirdim. Çünki hələ ayağım qırılanadək, bir neçə təklif almışdım.

- Azarkeşlər daim Azərbaycan və Moldova futbolunu müqayisə edirlər. Sizcə hansı güclüdür?
- Hesab edirəm ki, Azərbaycan futbolu daha güclüdür. Orada daha yüksək səviyyəli futbolçular oynayır.

- Sizin poker oynadığınız düzdür?
- Bəli. Arabir yoldaşlarımla yığışıb oynayırıq.

• Günün canlı yayımlanacaq matçları - TV AFİŞA
• Premyer Liqa: "Siti"dən kritik xal itkisi
• A Seriyası: "Roma"dan darmadağın
• Super Liqada ayrılıq: Volkan Demirel dövrü bitdi
• "Latsio" 3 xalı son dəqiqədə qazandı