“Xəzər Lənkəran” çempion olduğu məkanda

06.04.2012 - 10:37

“Xəzər Lənkəran” Premyer Liqanın XXVII turunda “Qəbələ” ilə qarşılaşacaq. Apasport.az-ın klubun rəsmi saytına istinadən məlumatına görə, aprelin sabah baş tutacaq matça qonaq qismində çıxacaq cənub təmsilçisi özü üçün bütövlükdə uğurlu hesab oluna bilən məkana qədəm basacaq.

Belə ki, 8 illik tarixində ilk və hələlik yeganə çempionluğunu 2006/07 mövsümündə qeyd edən “Xəzər Lənkəran” son turda məhz Qəbələdə oynayırdı. Həmin vaxt güclülər dəstəsinin debütantı olan Qəbələ təmsilçisi üzərində qələbə “ağ-yaşıllar”a çempionluq gətirdi.

Ümumilikdə, Qəbələ səfərləri “Xəzər Lənkəran” üçün uğurlu alınır. Düzdür, son 2 oyunda qələbəni meydan sahibləri bayram edib. Lakin buna qədər 6 matçda 4 dəfə “Xəzər Lənkəran” qalib gəlib və 2 dəfə 1 xalla kifayətlənib. Komanda səfərdə rəqib qapısına az qala 2 dəfə çox qol vurub – 12:7.

“Qəbələ” ilə çempionat və kubokdakı oyunların ümumi balansına gəlincə isə Lənkəran təmsilçisi 16 dəfə bu rəqiblə görüşüb. 10 dəfə qalib gələn “Xəzər Lənkəran” daha 3 dəfə “sülh”lə razılaşıb və yalnız 3 dəfə məğlub olub. Top fərqində isə üstünlük onların tərəfindədir – 28:13.

“Xəzər Lənkəran”ın “Qəbələ” ilə bütün oyunları

2006/07	09.12.2006	çempionat	e	4:0
2006/07	23.05.2007	çempionat	s	3:0
2007/08	30.09.2007	çempionat	e	2:1
2007/08	05.04.2008	çempionat	s	1:1
2007/08	09.04.2008	kubok	s	3:1
2007/08	23.04.2008	kubok	e	1:1
2008/09	15.11.2008	çempionat	s	1:0
2008/09	03.05.2009	çempionat	e	1:2
2009/10	19.09.2009	çempionat	s	1:1
2009/10	19.12.2009	çempionat	e	1:0
2009/10	12.03.2010	çempionat	e	4:1
2009/10	17.04.2010	çempionat	s	2:1
2010/11	07.08.2010	çempionat	e	1:0
2010/11	06.11.2010	çempionat	s	0:1
2011/12	23.09.2011	çempionat	e	2:1
2011/12	21.02.2012	çempionat	s	1:2