“Barselona”nın futbolçusuna qara ciyər köçürüldü

11.04.2012 - 10:44

İspaniyanın “Barselona” klubunun futbolçusu Erik Abidal əməliyyat olunub. Apasport.az saytının məlumatına görə, qara ciyər köçürülməsi əməliyyatı yerli “Barna” klinikasında aparılıb.

Donor funksiyasını Abidalın əmisi oğlu Jerar yerinə yetirib. Tibbi müdaxilə 9 saatadək davam edib və İspaniya çempionatının 33-cü turunun “Barselona” – “Xetafe” matçının startına az qalmış yekunlaşıb. Kataloniya komandasının baş məşqçisi Xosep Qvardiola 4:0 hesablı qələbəni fransalı müdafiəçiyə həsr etdiklərini bildirib.

Qeyd edək ki, Erik Abidal narkozdan ayıldıqdan sonra intensiv terapiya şöbəsinə köçürüləcək.