FİFA ilə qalmaqal yaşayan “Xəzər Lənkəran” haqda yekun qərar açıqlanıb. Apasport.az saytının məlumatına görə, ali futbol qurumu cənub təmsilçisinin hesabından 6 xalın silinməyi ilə bağlı qərar çıxarıb.

Buna səbəb “ağ-yaşıllar”ın 2008/09 mövsümündə sabiq braziliyalı futbolçusu Romulo Silvanoya borc məbləğinə görə faizin vaxtında ödənilməməsidir.

Bununla bağlı FİFA-nın Nizam-İntizam Komitəsinin qərar çıxarıb:

30.11.2011-ci il tarixli qərarının 3-cü hissəsinin 4-cü bəndinə (Bu müddət ərzində borc ödənilmədiyi təqdirdə futbolçunun tələbinə əsasən klubun əsas komandasından təxirə salınmadan 6 xal çıxılsın. Xalların çıxılması yerli assosiasiya tərəfindən həyata keçirilsin) və FİFA-nın Nizam-İntizam Komitəsinin 29.03.2012-ci il tarixli təlimat məktubuna əsasən AFFA-nın İntizam Komitəsi tərəfindən aşağıdakı qərar qəbul olundu:

1. Unibank Premyer Liqası yarışlarında “Xəzər Lənkəran” FK-nun cari mövsümdə aktivindən 6 xal çıxılsın.

2. AFFA-nın bayrağı altında keçirilən bütün yarışlarda çıxış edən klubların nəzərinə çatdırılır ki, analoji hadisə ilə qarşılaşmamaları üçün FİFA, UEFA, AFFA və Lisenziyalaşdırmanın bütün tələbləri yerinə yetirilməlidir.

• Halkın yeni klubu bəlli olub - RƏSMİ
• "Bavariya" - PSJ matçı bu kanalda - TV AFİŞA
• Super Liqa klubunda yeni təyinat - RƏSMİ
• Türkiyə Kuboku: İlk finalçı bəlli oldu
• Hakan Safi “Fənərbaxça” prezidentliyinə namizədliyini açıqladı