“Neftçi” klubunun sabiq qapıçısı Vladimir Astapovski vəfat edib. Apasport.az saytının məlumatına görə, SSRİ futbolunun tanınmış simalarından olan qolkiper 66 yaşında dünyasını dəyişib.

SSRİ yığmasında 11 oyun keçirən, 1976-cı ildə Monreal Olimpiadasında bürünc mükafatçı olan Astapovski daha çox MOİK-dəki çıxışları ilə tanınıb. O, 1976-cı ildə SSRİ-nin ən yaxşı qapıçısı və futbolçusu seçilib.

Bryansk “Dinamo”sunun yeniyetmə-gənclər komandasının yetirməsi olan Astapovski peşəkar karyerasına Bakının “Neftçi” klubunda başlayıb. 1965-ci ildə SKÇF, 4 il sonra MOİK-ə keçib və 1980-ci ilədək orada oynayıb.

Karyerasının son 2 ilini isə Xabarovsk OİK-ində keçirib. Sonradan Moskvanın MOİK və “Spartak” klublarında qapıçılarla işləyən məşqçi olan Astapovski Rusiya yığmasının qolkiperi İqor Akinfeyevin çalışdırıcısı olub.

• Halkın yeni klubu bəlli olub - RƏSMİ
• "Bavariya" - PSJ matçı bu kanalda - TV AFİŞA
• Super Liqa klubunda yeni təyinat - RƏSMİ
• Türkiyə Kuboku: İlk finalçı bəlli oldu
• Hakan Safi “Fənərbaxça” prezidentliyinə namizədliyini açıqladı