4 komandaya 1 qol - YENİLƏNİB

18.04.2012 - 18:50

Bu gün Azərbaycan kubokunda ilk yarımfinal oyunları keçirilib. Apasport.az saytının məlumatına görə, Bakıda keçirilən matçlarla finala vəsiqə uğrunda mübarizənin son mərhələsinə start verilib.

“Bakı” indiyə kimi kubokda keçə bilmədiyi “Qarabağ” üzərində ilk qələbəsini qazanmağa çalışsa da bu gerçəkləşməyib. Cari mövsümdə paytaxtın eyniadlı təmsilçisi ilə bütün görüşlərdə qələbə qazanan Qurban Qurbanovun yetirmələri 4-cü dueldə də qalib gəlib. Növbəti 7 gün ərzində daha 2 dəfə üz-üzə gələcək rəqiblərin növbəti matçına müsbət əhval-ruhiyyədə yollanmaq üçün “Qarabağ”a 1:0 hesablı səfər qələbəsi kifayət edib.

Bu matç bitəndən sonra paytaxt derbisi keçirilib. “İnter”lə “Neftçi” son 3 gündə 2-ci dəfə üz-üzə gəlib. Bu dəfə rəqiblər meydanı qolsuz tərk ediblər. Bu komandaların mövsümdə ilk heç-heçəsi olub. Bununla da günün 2 oyununda meydana çıxan 4 komanda ümumilikdə cəmi 1 qol vurub. Georgi Adamiyanın fərqləndiyi gündə Bakının 3 klubu üst-üstə 1 dəfə də olsun qol sevinci yaşamayıb.

18 aprel

“İnter” – “Neftçi” - 0:0
Bakı. “Şəfa” stadionu
Hakimlər: Əliyar Ağayev, Mehman Mahmudov, Elman Musayev, Elvin Əsgərov
“İnter” :1. Georgi Lomaya, 4. Valeri Abramidze, 6. Samir Zərgərov, 11. Asif Məmmədov, 13. Bronislav Çervenka, 15. Vladimir Levin (k), 18. Ilya Kandalaki, 21. Arif Daşdəmirov, 22. Peter Chrappan, 25. İbrahima Niasse, 28. Baçana Sxadadze
Ehtiyat oyunçular: 90. Səlahət Ağayev, 2. Xəyal Mustafayev, 8. Nizami Hacıyev, 9. Enyo Krastovçev, 14. Peter Zlatinov, 20. Girts Karlsons, 30. Danildo Assioli
Baş məşqçi: Kaxaber Sxadadze
“Neftçi”: 30. Saşa Stamenkoviç , 3. Denis Silva, 5. İqor Mitreski, 6. Slavço Georgiyevski, 9. Flavinyo, 14. Bahodir Nasimov, 15. Ruslan Abışov (k), 18. Ruslan Əmircanov, 25. Cavid İmamverdiyev, 27. Rəşad Abdullayev, 32. Elvin Yunuszadə
Ehtiyat oyunçular: 12. Elçin Sadıqov, 8. Elşən Abdullayev, 11. Cavid Hüseynov, 22. Fərid Quliyev, 26. Kərim Diniyev, 28. Emin Mehdiyev, 29. İlham Allahverdiyev
Baş məşqçi: Böyükağa Hacıyev

“Bakı” – “Qarabağ” - 0:1
Qol: Georgi Adamiya, 90
Bakı. “Bakı”nın təlim-məşq bazasının meydançası
Baş hakim: Fariz Yusifov
“Bakı”: 16. Aqil Məmmədov, 3. Deniss İvanovs, 6. İbrahim Karqbo, 7. Çesnauskis Deividas, 8. Junior Xavier Vilson, 21. Novruz Məmmədov, 24. Kovaçeviç Nenad, 25. Şəhriyar Əliyev, 30. Verpakovskis Maris, 77. Aleksandar Soliç (k), 98. Kontreras Pardo Sergio
Ehtiyat oyunçular: 1. Marko Şarliya, 10. Lukas Mario Horvat, 11. Elvin Məmmədov, 19. Nurlan Novruzov, 20. Elşən Manafov, 36. Parks Vinston, 99. Rəhman Hacıyev
Məşqçi: Novruz Əzimov
“Qarabağ”: 99. Boyan Pavloviç, 2. Qara Qarayev, 5. Maksim Medvedev, 7. Namiq Yusifov (k), 9. Bəxtiyar Soltanov, 14. Rəşad Sadıqov, 17. Vüqar Nadirov, 19. Muarem Muarem, 24. Admir Teli, 25. Ansi Aqolli, 70. Vaqif Cavadov
Ehtiyat oyunçular: 1. Fərhad Vəliyev, 6. Rəşad Sadiqov, 4. Zaur Həşimov, 11. Rauf Əliyev, 18. İlqar Qurbanov, 44. Eltun Yaqublu, 77. Georgi Adamiya
Baş məşqçi: Qurban Qurbanov

Qeyd edək ki, cavab oyunları aprelin 25-də keçiriləcək.