“Barselona”ya Londonda oynamaq düşmür
19.04.2012 - 11:51
Çempionlar Liqasının (ÇL) son qalibi olan “Barselona”ya Londona səfər düşərli olmur. Apasport.az saytının məlumatına görə, Xosep Qvardiolanın baş məşqçisi olduğu komanda Avropanın ən nüfuzlu turnirində İngiltərə paytaxtında son 1 ildə keçirdiyi hər 2 oyunda uduzub.
Bu, ötən mövsüm 1/8 final mərhələsinin ilk oyununda, fevralın 16-da “Arsenal”a 1:2, bu dəfə ilk yarımfinal matçında “Çelsi”yə 0:1 hesablı məğlubiyyət oldu. Düzdür, onda “Barsa” 1 həftə sonra evdəki cavab matçında 3:1 hesabı ilə qalib gələrək, mərhələ adlamışdı.
Göründüyü kimi, “Barsa” 427 gündən sonra ÇL-də məğlubiyyət acısı daddı. Bununla da komandanın həmin turnirdə 16 oyunluq məğlubiyyətsiz seriyası qırıldı. Maraqlıdır ki, Qvardiolanın komandası 2 il öncə də səfərdə keçirdiyi ilk yarımfinal oyununda uduzmuşdu. O da bu ərəfədə, aprelin 20-də “İnter”ə 1:3 hesablı məğlubiyyət idi. Həmin vaxt 8 gün sonra Barselonada keçirilən cavab oyunu meydan sahiblərinin 1:0 hesablı qələbəsi ilə nəticələnsə də, bu, finala çıxmaq üçün yetərli olmadı. Onda Joze Mourinyonun çalışdırdığı “İnter” finalda “Bavariya”ya 2:0 hesabı ilə qalib gələrək, turnirin qalibi oldu. Yenə yarımfinalda olan “Bavariya” ilk oyunda qalib gəldiyindən (evdə “Real”a 1:0) finala çıxmağa şanslıdır. “Barselona” isə Mourinyonun məşqçi kimi ən yaxşı illərini keçmiş komandasından aldığı məğlubiyyətlə həlledici oyuna vəsiqə qazanmaq məsələsini aprelin 24-də ev matçına saxlayıb.
Digər maraqlı məqam ondadır ki, “Barsa” uduzmaqla yanaşı, qol da vura bilmədi. Bu isə son illərdə onun oyunlarında nadir hallarda baş verir. Təsadüfi deyil ki, Kataloniya təmsilçisi ÇL-də keçirdiyi son 32 oyunda yalnız 2 dəfə meydanı qolsuz tərk edib. Bunadək belə hal ötən mərhələdə “Milan”la qolsuz bərabərliklə nəticələnən səfər matçında olmuşdu.
Bu, ötən mövsüm 1/8 final mərhələsinin ilk oyununda, fevralın 16-da “Arsenal”a 1:2, bu dəfə ilk yarımfinal matçında “Çelsi”yə 0:1 hesablı məğlubiyyət oldu. Düzdür, onda “Barsa” 1 həftə sonra evdəki cavab matçında 3:1 hesabı ilə qalib gələrək, mərhələ adlamışdı.
Göründüyü kimi, “Barsa” 427 gündən sonra ÇL-də məğlubiyyət acısı daddı. Bununla da komandanın həmin turnirdə 16 oyunluq məğlubiyyətsiz seriyası qırıldı. Maraqlıdır ki, Qvardiolanın komandası 2 il öncə də səfərdə keçirdiyi ilk yarımfinal oyununda uduzmuşdu. O da bu ərəfədə, aprelin 20-də “İnter”ə 1:3 hesablı məğlubiyyət idi. Həmin vaxt 8 gün sonra Barselonada keçirilən cavab oyunu meydan sahiblərinin 1:0 hesablı qələbəsi ilə nəticələnsə də, bu, finala çıxmaq üçün yetərli olmadı. Onda Joze Mourinyonun çalışdırdığı “İnter” finalda “Bavariya”ya 2:0 hesabı ilə qalib gələrək, turnirin qalibi oldu. Yenə yarımfinalda olan “Bavariya” ilk oyunda qalib gəldiyindən (evdə “Real”a 1:0) finala çıxmağa şanslıdır. “Barselona” isə Mourinyonun məşqçi kimi ən yaxşı illərini keçmiş komandasından aldığı məğlubiyyətlə həlledici oyuna vəsiqə qazanmaq məsələsini aprelin 24-də ev matçına saxlayıb.
Digər maraqlı məqam ondadır ki, “Barsa” uduzmaqla yanaşı, qol da vura bilmədi. Bu isə son illərdə onun oyunlarında nadir hallarda baş verir. Təsadüfi deyil ki, Kataloniya təmsilçisi ÇL-də keçirdiyi son 32 oyunda yalnız 2 dəfə meydanı qolsuz tərk edib. Bunadək belə hal ötən mərhələdə “Milan”la qolsuz bərabərliklə nəticələnən səfər matçında olmuşdu.
Oxşar xəbərlər
Ana səhifə
Bütün xəbərlər