UEFA-nın İcraiyyə Komitəsinin yığıncağında yeni klub turnirin keçirilməsi haqda qərar qəbul olunub. Apasport.az saytının məlumatına görə, 2013/14 mövsümündən etibarən start götürəcək 2 mövsümlük yarış hələlik eksperiment xarakteri daşıyacaq. Bu turnir əvəzedicilərin Çempionlar Liqası sayılır. Yarış 19 yaşadək futbolçular üçün nəzərdə tutulub.

Turnirdə Çempionlar Liqasının qrup mərhələsinə yüksələn 32 klubun əvəzediciləri çıxış edəcək. Onlar əsas komandalar kimi eyni qruplarda mübarizə aparacaq. Lakin burada pley-off matçları 1 oyundan ibarət olacaq. Yarımfinal və final matçlarının neytral meydanda keçirilməsi nəzərdə tutulub.

İndiyədək Azərbaycan klublarının yüksəlmədiyi qrup mərhələsində təmsilçimizin olacağı inandırıcı deyil. Bu isə o deməkdir ki, UEFA-nın yeni turnirində Azərbaycan komandası olmayacaq. Yəni çempionumuzu gənclər komandası Çempionlar Liqasına buraxılmayacaq. Çünki bunun üçün çempionun özünün qrupa düşməsi lazımdır.

• “Milan”ın yeni baş məşqçisi bəlli oldu
• Rahilin komandasında ayrılıq
• Kannavaro “Dinamo”da - RƏSMİ
• Serdal Adalıdan rekord
• Salahdan növbəti uğur