Bu həftə “Xəzər Lənkəran” Avropa Liqasında keçirəcəyi oyunlarla 2012/13 mövsümünə start verəcək. Apasport.az saytının məlumatına görə, I təsnifat mərhələsində iyulun 5-də Estoniyanın “Nomme Kalyu” klubu ilə üzləşəcək komanda tarixində 6-cı dəfə qitə kuboklarına qatılır.

İlk dəfə Estoniya təmsilçisi ilə görüşəcək “Xəzər Lənkəran” 5-ci dəfə bu turnirdə mübarizə aparacaq. Bunadək 1 dəfə Çempionlar Liqasına qatılan cənublular 4 dəfə Avropa Liqası (əvvəl UEFA kuboku adlanırdı) turnirində çıxış edib.

Əvvəlki 5 cəhddə “Xəzər Lənkəran” 10 oyun keçirib. 11-ci matçın astanasında olan futbolçularımız 4 dəfə heç-heçə edib və 6 dəfə məğlubiyyətlə barışmalı olub. Estoniyalılarla oyuna ilk qələbə üçün çıxacaq komanda indiyədək 7 qol vurub və 18-ni buraxıb.

Öz meydanında 3 heç-heçə və 2 məğlubiyyəti olan “Xəzər Lənkəran” səfərdəki oyunda 1 dəfə bərabərliyə nail olaraq 4 dəfə yenilib. Komandanın ev oyunlarında top fərqi 3:5, səfərdə isə 4:13-dür.



Mənbə: lankaranfc.com

• "Fənərbaxça"ya bəd xəbər: Şimanski zədələndi
• Messi: “Belə şəraitdə oynamaq çətindir” - FOTO
• "Sassuolo"nun hücumçusu "Beşiktaş"ın hədəfində
• İspaniyadan Superkubok qərarı
• Kvaratsxeliya ən yaxşı seçildi