“Bildiyimə görə, Mahir komanda tapıb. Deyəsən, xaricdə oynayacaq. Əlbəttə, Şükürovun millidə olmağını, oynamağını istərdik”. Bu fikirləri apasport.az saytına açıqlamasında Azərbaycan yığmasının məşqçisi Nazim Süleymanov deyib. Millimizin əsas futbolçularından olan, son matçlarda kapitan sarğısını daşıyan Mahir Şükürov hələ də klubsuzdur. Bu isə növbəti seçmə mərhələyə 2 ay qalmış millinin məşqçilərini qayğılandırmalıdır.

Süleymanov 30 yaşlı müdafiəçinin tezliklə özünə yeni komanda tapmağını istəyir: “Berti Foqts rəsmən deyib ki, klubsuz futbolçunu yığmaya çağırmayacağam. Mahir yığmaya layiqli, təcrübəli futbolçudur. O, mütləq özünə komanda tapmalıdır. Ümumiyyətlə, bu, menecerlərin işidir. Biz istərdik ki, Mahir tezliklə komanda tapsın, oynasın. O, yığmanın aparıcı futbolçularından biridir”.

Qeyd edək ki, Mahir ötən mövsüm kapitanı olduğu “Qəbələ” ilə müqaviləsini qarşılıqlı razılıqla pozub.

Mehman SÜLEYMANOV

• "Borussiya"da ciddi itki
• “Monako”da yeni müqavilə
• Yamal ən yaxşı adına layiq görüldü
• Yassin Benzia Əlcəzair millisində
• Poqba yaşıl meydanlara qayıdır