“Bakı” Avroliqanın II təsnifat mərhələsinə çıxacağı halda, səfər oyununu keçirəcəyi stadion açıqlanıb. Apasport.az saytının məlumatına görə, “Bakı” – “Mura” (Sloveniya) cütünün qalibini gözləyən Bolqarıstan MOİK-i iyulun 26-da ev matçını Milli stadionda keçirəcək. “Vasil Levski” adlanan arenada matç yerli vaxtla saat 20:00-da (Bakı vaxtilə 22:00-da) başlayacaq.

“Zolaqlılar” 3 il öncə Çempionlar Liqasının III təsnifat mərhələsində Bolqarıstanın digər titullu klubu – “Levski” ilə cavab oyununu da Sofiyada keçirsə də, onda fərqli məkanda oynamışdı. Bu, Georgi Asparuxov adına stadion idi.

Estoniyanın “Trans” klubu ilə dueldə mərhələ keçmək vəzifəsini ilk oyunda 5:0 hesabı ilə qalib gəlməklə yerinə yetirən “İnter” isə səfər oyununu Tripoli Arkadidəki “Asteras Tripolis” stadionunda keçirəcək. Ancaq oyunun vaxtını açıqlamayan UEFA komandamızın iyulun 19-da ev oyununu macarıstanlı Mihal Fabianın idarə edəcəyini göstərib.

• “Barsa” doğma meydanına qayıdır
• Türkiyədə mərc qalmaqalı: 149 hakim futboldan uzaqlaşdırıldı
• “Fiorentina”da Motta səsləri
• “Real” “Tottenhem”in müdafiəçisi ilə maraqlanır
• Yaponiya millisinin üzvü “Barselona”nın radarında