Bu gün “İnter” Avroliqada növbəti oyununu keçirib. Apasport.az saytının məlumatına görə, I təsnifat mərhələsində Estoniyanın “Trans” klubuna səfərdə 5:0, evdə 2:0 hesabı ilə qalib gələn “bankirlər” bu dəfə Yunanıstanda son mövsümü 6-cı yerdə başa vuran “Asteras”la üzləşib.

Tripoli təmsilçisi avrokuboklarda debütünü məhz ölkəmizdə reallaşdırıb. Matçda hesabı bakılılar açıb. İlk hissədə küləyin istiqaməti əksinə oynayan “bankirlər” Şützün qoluyla önə keçib. Lakin qonaqlar tezliklə hesabda tarazlıq yaradıb. Bundan sonra hər iki komanda bir neçə qol imkanı yaratsa da hesab dəyişməyib.

Avroliqa, II təsnifat mərhələsi
İlk oyun

19 iyul

21:00. “İNTER” (AZƏRBAYCAN) – “ASTERAS” (YUNANISTAN) - 1:1
QOLLAR: Şütz. 46, Perroni, 54
Baş hakim: Lars Kristoferson (Danimarka)
Bakı. “Dalğa Arena” stadionu

İNTER: 1. Georgi Lomaya, 20. Brüs Abdulaye, 4. Valeri Abramidze, 15. Vladimir Levin (k), 18. İlia Kandelaki, 77. Ruslan Əmircanov, 11. Asif Məmmədov, 5. Slavço Georgiyevski, 10. Georgi Adamiya, 25. İbrahima Niasse, 23. Tales Şütz
Ehtiyat oyunçular: 74. Revaz Tevdoradze, 87. Hayns Barmettler, 8. Nizami Hacıyev. 9. Danuel Genov, 14. Petar Zlatinov, 21. Arif Daşdəmirov, 28. Baçana Sxadadze
Baş məşqçi: Kaxaber Sxadadze

ASTERAS: 37. Georgi Bantis, 6. Lautaro Formiça, 11. Savas Tsampuros (k), 22. Sebastyan Bartolini, 23. Ximo Armira, 4 Xuanito, 8. Fernando Usero, 10. Rayo, 13. Leandto Alvares, 31. Mixalis Fraqulakis, 9. Emanuel Perrone
Ehtiyat oyunçular: 46. Giorgios Georgokapulos, 3. Xristos Pipnis, 7. Angelos Sarantopulos, 25. Dimitris Kourbelıs, 30. Heqon,14. Tasos Bakasetas, 17. Giannis Diniotakis
Baş məşqçi: Sakis Tsiolis

Oyun başladı.
İlk hücum komandamızdan gəldi. Usero Məmmədovun qarşısını kobudluqla aldı.
Təhlükəli əks-hücumumuz Əmircanovun qapı qarşısına ötürməsi ilə başa çatdı. Müdafiəçi son anda topu uzaqlaşdırdı.
Qonaqlar pressinq edir. Bu Abramidzenin topu itirməsi ilə nəticələnir.
Rayonun təhlükəli zərbəsindən sonra Lomaya bakılıları xilas etdi.
Armera Levinə qarşı qaydanı pozdu. Lakin təmsilçimiz cərimə zərbəsindən lazımınca istifadə edə bilmədi.
Künc zərbəsindən sonra ev tapşırığını Adamiya tamamladı. Lakin hesabın açılması üçün dəqiqlik çatmadı.
Lomaya təhlükəli zərbənin qarşısını aldı.
Rayo kobudluq etdi.
Məmmədov Alvaresi kobudluqla dayandırdı. Təhlükəli nöqtədən cərimə zərbəsi.
Perroninin zərbəsi qapıdan çox aralı keçdi.
Usero Məmmədova qarşı kobudluq etdi.
Şütz Formikaya qarşı qayda pozuntusuna yol verdi.
Müdafiə xəttində səhv. Lakin Lomaya onunla təkbətək qalan Bartolini ilə dueldən qalib ayrıldı.
Şützün ötürməsindən sonra Formika komandasını xilas etdi. O topun Adamiyaya çatmasına imkan verməyib meydandan çıxardı.
Abdulaye əllə oyuna görə sarı vərəqə ilə cəzalandı. Matçda ilk sarı vərəqə.
Təhlükəli nöqtədən Fraqulakisin zərbəsi qapının üstündən keçdi.
Şütz əlverişli mövqedən fərqlənə bilərdi. Lakin Bantis hesabın açılmasına imkan vermədi.
Yunanların cavabı tez gəldi.
Şütz də sarı vərəqə ilə cəzalandı.
Komandalar fasiləyə qolsuz yollanır.
İkinci hissə başlayır.
Məmmədovu Hacıyev əvəzləyir.
İkinci hissəyə komandamız fəal başlayır. Adamiyanın fəallığı Əmircanovun qapı önünə asması ilə başa çatır.
QOOOOOOOOOL. Şütz isə orada hamıdan cəld tərpənərək baş zərbəsi ilə hesabı açır. Rayo künc zərbəsi yerinə yetirdi...
Qonaqlar hücuma atılıb.
Yunanlar əvəzetməyə əl atır. Fraqulakis yerini Bakasetasa verir.
Əvəzetmə dərhal sözü dedi. Bakasetasın ötürməsindən sonra Perroni hesabı bərabərləşdirdi.
Qol epizodunda bakılıların müdafiə xəttindəki anlaşılmazlıq da rol oynadı.
Əmircanovun növbəti cinah ötürməsindən sonra müdafiəçi topu qapıçıya ötürdü.
Perroni Abramidze ilə mübarizədə cərimə zərbəsi qazanır.
Niasse qaydanı pozur.
Təhlükəli nöqtədən cərimə zərbəsində yunanlar istifadə edə bilmir.
Əks-hücumda Adamiya yubanmasaydı qol imkanı yarana bilərdi.
Georgiyevski gözəl ötürmə ilə Əmircanovu əlverişli mövqeyə çıxardı. Lakin müdafiəçilər futbolçumuzu qabaqladı.
Adamiya təhlükəli epizodda Niasseyə ötürmə verməyib özü zərbə vurdu.
Zlatinov Niassenin yerinə meydana daxil oldu.
Adamiya və Perroni arasında xoşagəlməz hadisə yaşanır. Hakim münaqişə iştirakçılarının hər ikisinə sarı vərəqə göstərir.
Qonaqların təhlükəli hücumu. Perroninin qol vurmasına son anda Lomaya özü mane oldu. O, zərbəni dəf etdi.
Künc zərbəsindən sonra isə Georgiyevski yaxşı oynayıb təhlükəni sovuşdurdu.
Bakılıların qol vurmaq imkanı. Lakin Hacıyev əlverişli imkandan lazımınca yararlana bilmədi.
Yunanlarda əvəzetmə. Rayos yerini Pipinisə verdi.
Bakasetasın zərbəsindən sonra müdafiəçilər topu uzaqlaşdıra bilir.
Adamiya meydanı tərk edir. Onu Genov əvəzləyir.
İkinci hissəyə 3 dəqiqə əlavə olundu.
Perroni yerini Kourbelisə verdi.
Nvaranın zərbəsindən sonra Lomaya bakılıları xilas etdi.
Matç 1:1 hesabı ilə başa çatdı.

• Dzeko “1000”i geridə qoyub
• İlin ən yaxşı məşqçisi seçilib - Qvardiola 3-cü olub
• Joze Mourinyo hakimlik haqda: ”Belə bir şey görməmişəm”
• Arda Turan "Beşiktaş"a keçidi ilə bağlı: “Həmişə Qalatasaray”lı olduğumu söyləmişəm”
• Duşan Tadiç: "Kişi kimi məsuliyyəti boynumuza götürməliyik"