Sloveniyada təlim-məşq prosesini davam etdirən "Qəbələ" növbəti yoxlama görüşünə çıxıb. Apasport.az saytının xəbərinə görə, Fatih Kavlak yetirmələrini Serbiya klubu ilə qarşılaşmada sınaqdan keçirib.

"Qəbələ"nin şənbə günükü rəqibi "Rad" klubu olub. Superliqa təmsilçisi ilə görüşün ilk yarısında qapılara qol vurulmasa da, fasilədən sonra - 55-ci dəqiqədə Deyan Kelhar hesabı açıb. Amma təmsilçimiz hesabı qoruya bilməyib və ardıcıl qollar rəqibə qələbə gətirib - 2:1.

Qeyd edək ki, "Qəbələ" Sloveniyadakı ilk yoxlama oyununu Çexiya təmsilçisi "Karvina"ya qarşı keçirmişdi və 0:1 hesabıyla məğlub olmuşdu. Serbiya təmsilçisi "İndiya" ilə duel isə 0:2 hesablı yenilgi ilə başa çatmışdı.
Bu arada "Qəbələ" heyətini daha bir futbolçu ilə gücləndirib. Qvineya yığmasının üzvü Omar Kalabane ilə 2 illik müqavilə imzalanıb. 31 yaşlı müdafiəçi karyerası ərzində Tunisin "ES Sabel", Fransanın "Oser", Türkiyənin "Manisaspor" və BƏƏ-nin "Əl-Dafra" klublarında top qovub. 1,92 sm boya malik Kalabane
ampulaca müdafiəçidi.

• "Borussiya"da ciddi itki
• “Monako”da yeni müqavilə
• Yamal ən yaxşı adına layiq görüldü
• Yassin Benzia Əlcəzair millisində
• Poqba yaşıl meydanlara qayıdır