“Topaz” Premyer Liqasının XI turu çərçivəsində keçiriləcək “İnter” – “Kəpəz” matçı hər 2 komanda üçün sayca 9-cu olacaq. Apasport.az-ın “bankirlər”in rəsmi saytına istinadən məlumatına görə, bunadək komandalar bir-birilə 8 dəfə məhz çempionatda qarşılaşıblar.

“İnter” rəqibini 5 dəfə məğlub etdiyi halda, “Kəpəz” 1 qələbəyə malikdir. 8 oyunun 2-si isə heç-heçə ilə başa çatıb. Vurulan topların fərqi “İnter”in də xeyrinədir - 12:3.

Komandalar ilk dəfə 2004-cü ilin noyabrın 24-də çempionat çərçivəsində üz-üzə gəlib. Gəncədə baş tutan həmin görüş 1:0 hesabı ilə "İnter"in xeyrinə başa çatıb. Bu dueldə ilk müəllifi belaruslu Vladimir Makovskiy olub.

“İnter” – “Kəpəz” oyunlarında ən populyar hesab da 1:0-dır. Belə nəticə 8 görüşün 4-də qeydə alınıb. Bu klubların qarşılaşmasında böyükhesablı nəticə isə 5:0-dır. 2006-cı ildə “İnter” “Kəpəz”i məhz bu hesabla udub.

Bunadək komandaların keçirdiyi oyunlar

Mövsüm	Oyun	Hesab
2004/05	“Kəpəz”-“İnter”	0:1
2004/05	“İnter”-“Kəpəz”	2:0
2005/06	“Kəpəz”-“İnter”	2:2
2005/06	“İnter”-“Kəpəz”	5:0
2010/11	“Kəpəz”-“İnter”	1:0
2010/11	“İnter”-“Kəpəz”	1:0
2011/12	“İnter”-“Kəpəz”	0:0
2011/12	“Kəpəz”-“İnter”	0:1

Qeyd edək ki, “İnter” – “Kəpəz” matçı oktyabrın 30-da saat 18.00-da "Şəfa" stadionunda keçiriləcək.

• Alonso rəsmən “Çelsi”də
• “Fənər”dən Qirassi həmləsi - RAZILIQ ƏLDƏ OLUNDU
• “Qalatasaray” Lemina ilə bağlı qərarını verdi
• Günün oyunları bu kanallarda - TV AFİŞA
• "Çelsi"də Alonso dövrü başlayır: Razılıq əldə olundu