“Topaz” Premyer Liqasının XI turu çərçivəsində keçiriləcək AZAL – “Bakı” matçı sayca 17-ci olacaq. Apasport.az saytının məlumatına görə, bu komandaların arasında keçirilən oyunlarda tarazlıq hökm sürür.

İndiyədək baş tutan 16 qarşılaşmada klublar bərabər sayda hərəyə 6 qələbə qazanıblar. 4 matçda isə qalib müəyyənləşməyib. Vurulan topların fərqində də komandalar arasında bərabərlik var - 13:13.

AZAL-la “Bakı” arasında ilk paytaxt derbisi 2005-ci ilin dekabr ayının 10-da çempionat çərçivəsində baş tutub. “Bakı” həmin qarşılaşmada nominal meydan sahiblərini 1:0 hesabı ilə məğlub edib.

AZAL – “Bakı” oyunlarında ən populyar hesab da 1:0-dır. Belə nəticə 17 görüşün 6-da qeydə alınıb. Bu klubların qarşılaşmasında ən böyükhesablı nəticə isə 3:0-dır. 2007-ci ildə o zaman “Olimpik” adlanan AZAL rəqibini məhz bu hesabla məğlub edib.

10.12.2005	Olimpik (Bakı) - Bakı	0:1
14.05.2006	Bakı - Olimpik (Bakı)	2:0
05.08.2006	Bakı - Olimpik (Bakı)	1:0
11.02.2007	Olimpik (Bakı) - Bakı	0:0
30.09.2007	Olimpik (Bakı) - Bakı	3:0
06.04.2008	Bakı - Olimpik (Bakı)	0:1
04.10.2008	Bakı - Olimpik (Bakı)	3:1
05.04.2009	Olimpik (Bakı) - Bakı	2:1
20.09.2009	Olimpik-Şüvəlan (Bakı) - Bakı	0:1
20.12.2009	Bakı - Olimpik-Şüvəlan (Bakı)	0:0
07.08.2010	Bakı - AZAL (Bakı)	2:3
25.02.2011	AZAL (Bakı) - Bakı	0:0
10.04.2011	AZAL (Bakı) - Bakı	1:0
07.05.2011	Bakı - AZAL (Bakı)	2:1
30.09.2011	Bakı - AZAL (Bakı)	0:0
04.12.2011	AZAL (Bakı) - Bakı	1:0

Qeyd edək ki, AZAL – “Bakı” matçı oktyabrın 30-da AZAL arenada keçiriləcək.

• Alonso rəsmən “Çelsi”də
• “Fənər”dən Qirassi həmləsi - RAZILIQ ƏLDƏ OLUNDU
• “Qalatasaray” Lemina ilə bağlı qərarını verdi
• Günün oyunları bu kanallarda - TV AFİŞA
• "Çelsi"də Alonso dövrü başlayır: Razılıq əldə olundu