"Azərbaycan futbolu inkişafdadır. Klublarınız yaxşı maliyyə imkanlarına malikdir". Bu sözləri apasport.az saytına açıqlamasında rusiyalı mütəxəssis Valeri Çetverik deyib.

Vətənində "Torpedo-Kamaz", "Kamaz-Çallı", "Çernomorets", "Rus", Belarusda "Belşina" kimi klubların baş məşqçisi olmuş əməkdar idman ustası ilə bu gün "Xəzər Lənkəran"ın Antalyada məskunlaşdığı "Ela Quality Resort" otelində rastlaşdıq.

Azərbaycan haqda geniş bilgiyə sahib olan Çetverik ölkəmizdən təklif aldığını bildirib: "Məni milli komandanıza dəvət etmişdilər. Hətta bu məqsədlə Bakıya da gəlmişdim. Federasiyanın o vaxtkı rəhbərliyi ilə görüşdüm. İndi dünyasını dəyişib. Ancaq sonradan nədənsə alınmadı. Mənim əvəzimə braziliyalı Karlos Alberto Torresi dəvət etdilər. Hər halda, o, daha tanınmış sima idi".

• Benitez istefaya göndərildi
• Günün canlı yayımlanacaq matçları - TV AFİŞA
• Bir dövrün sonu: Podolski karyerasını başa vurdu
• İtaliya klubu Kılıçsoyla bağlı qərarını verdi
• Aziz Yıldırımdan tarixi təklif: Ali Koç və Hakan Safiyə...