32-ci duel
08.02.2013 - 18:46
32-ci duel
“Xəzər Lənkəran” 2013-cü ilə “İnter”lə qarşılaşma ilə başlayacaq. Apasport.az saytının məlumatına görə, Topaz Premyer Liqasının 19-cu turunda lideri qəbul edəcək cənublular tarixində 32-ci dəfə bu rəqiblə üz-üzə gələcək. 2004-cü ildə ilk dəfə üz-üzə gələn komandalar indiyədək 23 dəfə çempionat və 8 dəfə kubokda münasibətlərini ayırd ediblər.

İndiyədək baş tutan 31 qarşılaşmada 7 dəfə “Xəzər Lənkəran”, 8 dəfə isə “İnter” qalib gəlib. 16 matçda isə qalib müəyyənləşməyib. Top fərqində isə lənkəranlılar öndədir – 31:30. Düzdür, 7 qələbədən başqa “Xəzər Lənkəran”ın hesabında ölkə kubokunun finalına təsadüf edən penaltilər seriyasındakı qələbə də var.

Çempionatlardakı 24-cü matçadək 4 dəfə “Xəzər Lənkəran”, 6 dəfə “İnter” qalib gəlib. 5-ci qələbə iddiasında olan cənublular 13 dəfə 1 xalla kifayətlənib. Bu görüşlərdə bakılılar daha məhsuldar olub – 21:22.

Həm ümumi, həm də çempionatdakı matçlarda minimal üstünlük paytaxt futbolçularının tərəfində olsa da son oyunlarda “Xəzər Lənkəran” rəqibini qələbəyə həsrət qoyub. Belə ki, son 4 oyunda “İnter” qələbəyə həsrət qalıb. Bu matçlarda “Xəzər Lənkəran” 1 qələbə qazanıb və 3 dəfə meydandan bərabərliklə ayrılıb.

Lənkəranda baş tutan qarşılaşmalarda isə meydan sahibləri öndədir. 14 oyunda 4 qələbəsi və 2 məğlubiyyəti olan “Xəzər Lənkəran” 8 dəfə heç-heçə ilə razılaşıb. Meydan sahibləri evdə vurduğu 15 qolun qarşılığında 12-ni buraxıb.

2004/0521.11.2004səfərdə0:1
2004/0516.04.2005AKsəfərdə1:2
2004/0521.04.2005evdə0:0
2004/0529.04.2005AKevdə1:1
2005/0611.09.2005səfərdə0:2
2005/0612.03.2006evdə1:1
2006/0728.10.2006evdə0:0
2006/0712.04.2007AKsəfərdə1:0
2006/0718.04.2007səfərdə0:0
2006/0722.04.2007AKevdə1:0
2007/0806.10.2007səfərdə2:2
2007/0813/04/2008evdə3:1
2007/0824.05.2008AKneytral2:0
2008/0909.11.2008evdə2:4
2008/0924.04.2009səfərdə2:2
2009/1021.08.2009evdə1:0
2009/1006.12.2009səfərdə1:1
2009/1021.03.2010səfərdə0:1
2009/1023.04.2010evdə2:2
2010/1121.08.2010evdə0:0
2010/1127.02.2011səfərdə3:1
2010/1116.04.2011evdə1:1
2010/1130.04.2011səfərdə1:1
2010/1124.05.2011AKneytral1:1
2011/1230.09.2011səfərdə0:1
2011/1204.12.2011evdə0:1
2011/1214.03.2012AKsəfərdə2:3
2011/1228.03.2012AKevdə1:1
2011/1201.04.2012evdə2:0
2011/1229.04.2012səfərdə0:0
2012/1319.08.2012səfərdə0:0

Mənbə: lankaranfc.com