Giqqz 1000-ci rəsmi matçına çıxdı

06.03.2013 - 00:01

Çempionlar Liqasının 1/8 final mərhələsinin “Mançester Yunayted” - “Real” qarşılaşması meydan sahiblərinin yarımmüdafiəçisi Rayan Giqqz üçün yubiley matçı olub. Apasport.az saytının məlumatına görə, uelsli futbolçu karyerasında 1000-ci rəsmi oyununa çıxıb.

Qeyd edək ki, 39 yaşlı oyunçu “qırmızı şeytanlar”ın heyətində ilk dəfə 2 mart 1991-ci il tarixində debüt edib. O, həmin vaxtdan bu yana 932 matçda meydana çıxıb və 169 qola imza atıb. Rayan Giqqz həm də 1992-ci ildə Premyer Liqanın hər mövsümündə qol vuran yeganə futbolçudur.