Joze Mourinyo: Yaxşı oynayan uduzdu

06.03.2013 - 02:54

Çempionlar Liqasının 1/8 final mərhələsinin cavab oyun günündə səfərdə “Mançester Yunayted”in qonağı olan “Real”ın baş məşqçisi Joze Mourinyo yaxşı oynayan tərəfin uduzduğunu bildirib. Apasport.az saytının məlumatına görə, “Old Trafford”da rəqibini 1:2 hesabı ilə məğlub edən “Kral klubu”nun portuqaliyalı çalışdırıcısı komandasının yaxşı oynamadığını ifadə edib.

O, yetirmələrindən daha çox şey gözlədiyini vurğulayıb: “Qırmızı vərəqə hadisəsini bir yana qoysaq, yaxşı oynayan uduzdu. Növbəti mərhələyə keçdiyimiz üçün xoşbəxtik. Amma komandamdan daha çox şey gözləyirdim. Yaxşı oynamadıq. Lakin futbol belə bir oyundur”.