“Mən öz komandamla fəxr edirəm”

06.03.2013 - 03:12

“Bu oyun bizim üçün böyük əhəmiyyətə malik idi. Çempionlar Liqasında mövsümün əvvəli “Borussiya” üçün çox yaxşı başlandı”. Apasport.az saytının məlumatına görə, bu sözləri Dortmund “Borussiya”sının baş məşqçisi Yurgen Klopp deyib. O, Çempionlar Liqasının 1/8 final mərhələsinin cavab oyun günündə doğma publika önündə Donetski “Şaxtyor”unu 3:0 hesabı ilə məğlub etdikdən sonra matçla bağlı təəssüratlarını bildirib.

Təcrübəli çalışdırıcı qələbəyə görə komandası ilə fəxr etdiyini ifadə edib: “Şaxtyor” ikinci hissədə özünün ən yaxşı keyfiyyətlərini göstərdi. Amma biz bu matçda 80 dəqiqə üstünlüyə malik idik. Bu qələbəyə sadəcə çox şadıq və mən öz komandamla fəxr edirəm”.