Braziliya millisinin baş məşqçisi Luis Felipe Skolari martın 21 və 26-da İtaliya ilə DÇ-2014-ün qrup mərhələsində Azərbaycan yığmasının rəqibi Rusiya ilə oynayacaqları yoldaşlıq görüşü üçün komandanın heyətini açıqlayıb. Apasport.az saytının məlumatına görə, təcrübəli çalışdırıcı 21 futbolçuya dəvət göndərib.

Skolari sonuncu dəfə İngiltərə millisi ilə keçirilən yoldaşlıq görüşündə heyətə çağırdığı Ronaldinyonu bu dəfə lazım bilməyib.

Qapıçılar: Julio Sezar (KPR, İngiltərə), Dieqo Kavaleri (“Fluminense”).

Müdafiəçilər: Daniel Alves (“Barselona”, İspaniya), Tyaqo Silva (PSJ, Fransa), David Luis (“Çelsi”, İngiltərə), Dante (“Bavariya”, Almaniya), Luis Filipp (“Atletiko”, İspaniya), Marselo (“Real”, İspaniya), Baba (“Vasko da Qama”).

Yarımmüdafiəçilər: Ramires, Oskar (hər ikisi “Çelsi”, İngiltərə), Paulino (“Korintians”), Ernanes (“Latsio”, İtaliya), Kaka (“Real”, İspaniya), Lukas Maura (“PSJ”, Fransa), Dieqo Kosta (“Atletiko”, İspaniya), Luis Qustavo (“Bavariya”, Almaniya), Jan (“Fluminense”), Fernando (“Qremio”).

Hucumçular: Halk (“Zenit”, Rusiya), Neymar (“Santos”), Fred (“Fluminense”).

Qeyd edək ki, Braziliyanın İtaliya ilə qarşılaşması martın 21-də Cenevrədə, martın 25-də isə Londonda baş tutacaq.

• DÇ-2026: "Sabah"ın futbolçusu mundialda
• DÇ-2026: Qana millisinin heyəti açıqlandı
• Robertson "Yuventus"un hədəfində
• DÇ-2026: KAMİLO DURAN HEYƏTDƏ OLMAYACAQ
• Komandanı liqada saxladı: İstefaya göndərildi