Rəqiblərimizin oyununda 2 qol

06.03.2013 - 17:22

19 yaşadək qızlardan ibarət Azərbaycan milli komandasının çıxış etdiyi “Kuban baharı” turnirində ilk tura start verilib. Apasport.az saytının məlumatına görə, Rusiyanın Soçi şəhərində keçirilən yarışın ilk günündə millimizin yer aldığı C qrupunda da 1 qarşılaşma baş tutub.

Ukrayna millisi Estoniya yığmasını 2:0 hesabı ilə məğlub edib. Patrisiya Qonzalesin başçılıq etdiyi yığmamız isə sabah Rumıniya ilə görüşəcək.

Qeyd edək ki, futbolçularımız II turda Estoniya, qrup mərhələsinin son matçında isə Ukrayna ilə üz-üzə gələcək.