Bakının “İnter” klubunun seriyası qırılıb. Apasport.az saytının məlumatına görə, ardıcıl 6 mövsüm Azərbaycan kubokunun yarımfinalına qədər irəliləyən “bankirlər” bu dəfə 1/4 finalda mübarizəni dayandırıblar.

Buna “Bakı” ilə “Şəfa” stadionunda keçirilən cavab oyunu səbəb olub. Səfərdəki 1:1 hesablı heç-heçədən sonra “İnter”in də meydanında bərabərlik qeydə alınıb – 2:2 .Rəqib meydanında daha çox qol vuran “Bakı” adını yarımfinala yazdırıb. Bununla, “İnter”in seriyası qırılıb.

“İnter” 2004/05 mövsümünün əvvəlindən daşıdığı bu ad altında yalnız 1 dəfə 1/4 finalda dayanmışdı. Bu da 2005/06 mövsümündə baş vermişdi. Həmin vaxt Ukrayna Futbol Federasiyasının indiki prezidenti Anatoli Konkovun çalışdırdığı komanda “Karvan”la dueldə mübarizəni dayandırmalı olmuşdu.

• DÇ-2026: "Sabah"ın futbolçusu mundialda
• DÇ-2026: Qana millisinin heyəti açıqlandı
• Robertson "Yuventus"un hədəfində
• DÇ-2026: KAMİLO DURAN HEYƏTDƏ OLMAYACAQ
• Komandanı liqada saxladı: İstefaya göndərildi