Qurban Berdıyev: İndi şanlarımız bərabərdir

08.03.2013 - 03:15

“Oyun çox ağır alındı. “Levante” təcrübəli komandadır”. Apasport.az saytının məlumatına görə, bu sözləri Azərbaycan millisinin futbolçusu Ruslan Abışovun düşərgəsində olduğu “Rubin”in baş məşqçisi Qurban Berdıyev deyib. O, Avropa Liqasının 1/8 final mərhələsinin ilk oyun günündə səfərdə “Levante” ilə qarşılaşmadan sonra fikirlərini bildirib.

Qazaxıstanlı mütəxəssis şanslarının bərabər olduğunu ifadə edib: “Onlar əks-hücumlarda kifayət qədər yaxşı çıxış edir və əla oyun nümayiş etdirdilər. Hər şey Moskvada həll olunacaq. İlk hissədə meydan sahibləri çox qol vəziyyətləri yaratdılar. Lakin onlar bu fürsətdən istifadə edə bilmədilər. İndi şanlarımız bərabərdir. Moskvada ağır oyun olacaq”.

Qeyd edək ki, “Levante” - “Rubin” qarşılaşması 0:0 hesabı ilə başa çatıb.