Runi “Mançester Yunayted”dən ayrılır

08.03.2013 - 05:20

Britaniya mətbuatı Çempionlar Liqasının 1/8 final mərhələsinin cavab oyun günüdə “Real”a 1:2 hesabı ilə məğlub olub, turnirlə vidalaşan “Mançester Yunayted”in hücumçusu Ueyn Runinin komandadan ayrılacağını iddia edir. Apasport.az saytının məlumatına görə, forvard xüsusi ilə son “Kral klubu” ilə matçda ehtiyatda qalmasından sonra xoşbəxt olmadığı və mövsüm sonunda ingilis klubundan ayrılmaq istədiyini bildirib.

Xəbərdə digər yer alan məlumat isə onun “qırmız şeytanlar”ın baş məşqçisi Aleks Ferqyussonla arasının əvvəlki qədər yaxşı olmadığı və Van Persinin komandaya gəlişindən sonra ikinci planda qalmasıdır. Həmçinin bir çox nəhəng klublar Runi ilə yaxından maraqlanır. “Mançester Yunayted” isə Ueyn üçün hər hansı bir komanda 25 milyon avro məbləğində təklif etdiyi təqdirdə, onu satacağını qeyd edib.