12 ildən sonra 1/4 finalda

13.03.2013 - 02:41

Çempionlar Liqasının 1/8 final mərhələsinin cavab oyun günündə “Şalke”ni (2:3) məğlub edən “Qalatsaray” tarixində ikinci dəfə 1/4 finala vəsiqə qazanıb. Apasport.az saytının məlumatına görə, İstanbul təmsilçisi həm ilk, həm də sonuncu dəfə bu uğura 2000-2001 mövsümündə nail olub.

Beləliklə, “Qalatsaray” 12 ildən sonra yenidən 1/4 finalda mübarizə aparacaq.

Qeyd edək ki, bu mərhələdə “Cim-Bom”un rəqibi cümə günü İsveçrənin Nyon şəhərində təşkil ediləcək püşkatmadan sonra müəyyənləşəcək.