İngilis klubu cərimələndi

15.03.2013 - 23:09

İngiltərənin Futbol Assosiasiyası “Sauthempton”u 20 min avro cərimələyib. Apasport.az saytının məlumatına görə, buna Premyer Liqanın 29-cu turu çərçivəsində keçirilən “Norviç”ə qarşı oyunda komandanın oyunçularının davranışı səbəb olub.

Belə ki, sözügedən qarşılaşmada matçın baş hakimi oyunun sonlarında “Sauthempton”un qapısına penalti təyin edib. Qonaq komandanın futbolçuları isə referinin bu qərarına narazılıqlarını bildiriblər. Lakin “Sauthempton”un qapıçısı Artur Borusem penaltini dəf etməyi bacarıb.

Qeyd edək ki, “Norviç” - “Sauthempton” matçı 0:0 hesablı heç-heçə ilə başa çatıb.