Martins rəsmən Amerika klubunda

16.03.2013 - 01:19

“Levante”nin hücumçusu Obafemi Martins gələn mövsümdən etibarən karyerasını Amerika MLS-də davam etdirəcək. Apasport.az saytının məlumatına görə, nigeriyalı futbolçu bu ölkənin “Siyetl Saunders” klubu ilə müqavilə imzalayıb. Lakin müqavilənin şərtləri haqda heç bir açıqlama verilməyib.

İspaniya mətbuatı isə 28 yaşlı forvardın keçidini 3 milyon avro məbləğində dəyərləndirib.

Qeyd edək ki, Martins Nigeriya yığma komandasının heyətində 38 matçda meydana çıxıb və 18 qola imza atıb.