Braziliya yığma komandasının baş məşqçisi Luis Felipe Skolari DÇ-2014-ün seçmə mərhələsində millimizin rəqibi olan Rusiya ilə yoldaşlıq görüşünə itkilərlə çıxa bilər. Apasport.az saytının məlumatına görə, Cənubi Amerika təmsilçisinin heyətində bu gün Londonun “Stemford Bric” stadionunda keçirdikləri məşqdə 3 futbolçu iştirak etməyib.

Bunlar “Vasko da Qama”nın müdafiəçisi Dede, “Çelsi” və “Korintians”ın yarımmüdafiəçiləri Ramireslə Paulinodur. Hər 3 futbolçu zədə və xəstəlik üzündən məşqdə iştirak etməyiblər.

Qeyd edək ki, Rusiya - Braziliya oyunu martın 25-də baş tutacaq. Qarşılaşma İngiltərənin London şəhərində keçiriləcək.

• Modriç “Milan”dan ayrıla bilər
• “Roma”dan 25 milyonluq transfer - RƏSMİ
• “Torino” türkiyəli futbolçu ilə bağlı qərarını verdi - RƏSMİ
• Alisson "Liverpul"dan ayrılacaq?
• "Sevilya"da qapıçı ayrılığı