Bu gün Bakı şəhərinin Xətai rayonu ərazisində “Neftçi” klubunun futbolçusu Araz Abdullayevin törətdiyi qəza ilə bağlı cinayət işi açılıb. Xətai rayon Polis İdarəsindən Lent.az-a bildirilib ki, hadisə ilə bağlı Cinayət Məcəlləsinin 263.2-ci maddəsi ilə iş başlanılıb.

Məlumata görə, A.Abdullayev 90 XB 350 dövlət qeydiyyat nişanlı “Nissan” markalı avtomobillə Xətai MKTB-nin işçiləri 1968-ci il təvəllüdlü Gülsabah Nuriyeva və Zəminə Hüseynovanı vurduqdan sonra maşını saxlayıb.

O hadisə yerinə gəlmiş təcili tibbi yardım maşını ilə birlikdə Kliniki Tibbi Mərkəzə gəlib. Lakin yaralılardan Z.Hüseynovanın həyatını xilas etmək mümkün olmayıb.

Fakt üzrə ekspertizalar təyin edilib, araşdırmalar davam etdirilir.

• "Roma" gənc ulduzu transfer edir
• "Barselona"dan "Ayaks"a - RƏSMİ
• “Fənərbaxça” - “Lyon” matçı BU KANALLARDA
• Rodri “Barselona”ya keçir - “Komanda yoldaşlarıma qoşulmaq üçün səbirsizlənirəm”
• Batşuayinin yeni klubu bəlli oldu