Çərçivəyə 21 zərbə

29.03.2013 - 09:30

Futzal üzrə Avropa çempionatının əsas seçmə mərhələsində 2-ci oyununu keçirən Azərbaycan milli komandası 3:0 hesabı ilə məğlub etdiyi Bosniya və Herseqovina yığmasından aşkar üstün olub. Apasport.az saytının məlumatına görə, UEFA qarşılaşmanın statistik göstəricilərini açıqlayıb.

Millimiz Slovakiyadakı 2-ci görüşündə də rəqibini demək olar ki, bütün göstəricilərdə üstələyib. Ötən tur yığmamız oyunun 40 dəqiqəsi ərzində rəqib qapısına 40 zərbə vurmuşdusa, bu dəfə rəqəm 52-yə çatıb. Bunların da 21-i çərçivəyə düşüb. Komandamız 18 dəfə künc zərbəsi də vurub.

Bosniya və Herseqovina		Azərbaycan
20	Zərbələr		52
8	Çərçivəyə zərbələr		21
8	Qeyri-dəqiq zərbələr		22
0	Dirək və tirdən dönən zərbələr		1
3	Künc zərbələri		18
1	Sarı vərəqələr		1
0	Qırmızı vərəqələr		0
6	Qayda pozuntuları		8
8	Qazanılan cərimələr		6