Lideri Burak sevindirdi

31.03.2013 - 01:05

Türkiyə Superliqasında 27-ci turun oyunlarına start verilib. Apasport.az saytının məlumatına görə, ilk matç günündə üç qarşılaşma baş tutub.

Doğma publika önündə “Qaziantepspor” “Əskişəhərspor”u sınağa çəkib. Görüşdə meydan sahibləri inamlı qələbə qazanıb – 2:0.

Lider “Qalatasaray” isə “İstanbul BB”-ni qonaq edib. Bu matçda da sevinən tərəf meydan sahibləri olub. “Cim-Bom” ilk hissədə Burak Yılmazın vurduğu 2 qolla 3 xal qazanıb.

“Sivasspor” da turu qələbə ilə başa vurub. “Orduspor”u qəbul edən Rza Çalımbayın komandası görüşdən 3:2 hesabı ilə qalib ayrılıb.

Qeyd edək ki, Türkiyə Superliqasında 27-ci turun oyunlarına aprelin 1-də yekun vurulacaq.

Türkiyə Superliqası
27-ci tur
30 mart
“Qaziantepspor” – “Əskişəhərspor” – 2:0
Medunyanin, 26, C.Tosun, 37

“Qalatasaray” – “İstanbul BB” – 2:0
Burak, 23; 35

“Sivasspor” – “Orduspor” – 3:2
Eneramo, 5, Arslan, 85, Pedriel, 90 – Barral, 15; 76

31 mart
“Kasımpaşa” – “Bursaspor”
“Trabzonspor” – “Antalyaspor”
“Elazığspor” – “Gənclərbirliyi”
“Fənərbaxça” – “Akhisar BS”

1 aprel
“Karabükspor” – “Kayserispor”
“Mersin İdmanyurdu” – “Beşiktaş”