Azərbaycanlı futbolçular Rail Məlikov və Arif İsayevin çıxış etdikləri “Dənizlispor” növbəti matçını keçirib. Apasport.az saytının məlumatına görə, təmsilçilərimizin komandası Türkiyə PTT I divizionunun XXIX turu çərçivəsində “Adanaspor”la üz-üzə gəlib.

Səfərdə baş tutan matçda Dənizli klubu 2:1 hesabı ilə uduzub. Görüşdə həmyerlilərimiz də iştirak edib. Belə ki, Məlikov meydana start heyətdə çıxıb. İsayev isə sona 14 dəqiqə qalmış meydana daxil olub və 90-cı dəqiqədə komandasının yeganə qoluna imza atıb.

Qeyd edək ki, “Dənizlispor” hazırda 29 oyundan 33 xal toplayıb və turnir cədvəlinin 14-cü pilləsində yer alır.

• “Monako” Poqba ilə müqaviləyə XİTAM VERDİ
• “Aston Villa”dan iki transfer - RƏSMİ
• Günün canlı yayımlanacaq matçları - TV AFİŞA
• FFF İnfantinoya “yox” deyəcək
• Musiala yenə huşunu itirdi – 4 gün ərzində ikinci dəfə