19 yaşadək futbolçulardan ibarət milli komandamızın Moldovada oyunlarının başlanma vaxtı və keçirilmə məkanı müəyyənləşib. Apasport.az saytının məlumatına görə, bu gün həmin ölkədə hazırlıqlara başlayan Arif Əsədovun yetirmələri aprelin 13-dək təlim-məşq toplanışında olacaq.

U-19 toplanış çərçivəsində aprelin 10-u və 12-də moldovalı həmyaşıdları ilə 2 yoldaşlıq oyunu keçirəcək. Bu oyunlardan birincisi Kişinyov rayonunun Vadul-luy-Vode şəhərciyində KPSM stadionunda baş tutacaq. Qarşılaşma bizim vaxtla saat 16:00-da başlayacaq.

Aprelin 12-də keçiriləcək revanş görüşü də eyni vaxtda başlayacaq. Sadəcə olaraq məkan fərqli olacaq. Belə ki, U-19 Slobodzeyski rayonunun Ternovka kəndində Yuri Osipenkonun yetirmələrinə qarşı mücadilə edəcək. Qarşılaşma Tiraspolun “Dinamo-Auto” klubunun ev oyunlarını keçirdiyi eyniadlı stadionda baş tutacaq.

• “Monako” Poqba ilə müqaviləyə XİTAM VERDİ
• “Aston Villa”dan iki transfer - RƏSMİ
• Günün canlı yayımlanacaq matçları - TV AFİŞA
• FFF İnfantinoya “yox” deyəcək
• Musiala yenə huşunu itirdi – 4 gün ərzində ikinci dəfə