“Yuventus”un əsas qapıçısı Canluici Buffon komandanın baş məşqçisi Antonio Kontenin klubdakı rolunu qiymətləndirib. Apasport.az saytının məlumatına görə, İtaliya millisinin üzvü bu mövsüm çempionluğun taleyinin praktik olaraq həll olunduğunu bildirib.

O, bu titulu qorumağın çətin olduğunu ifadə edib: “Bu mövsüm biz çempionata favorit kimi başladıq. Ötən il isə qazanılan qələbə böyük nailiyyət oldu. Titulu qorumaq çətindir, amma biz bu mövsümdə “skudetto”ya əminliklə sahib olacağıq. Bütün il turnir cədvəlin ilk pilləsində gedirik. Antonio Konte isə“Yuventus” üçün uyğun insandır və o, bunu sübut etdi”.

Qeyd edək ki, “Yuventus” İtaliya A seriyasının sonuna 4 tur qalmış liderliyini davam etdirir. “Qoca Sinyora” ən yaxın izləyicisi “Napoli”ni 11 xal qabaqlayır.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu