“Mançester Yunayted”in əfsanəvi məşqçisi Aleks Ferqyussonun istefasından sonra onun yerinə gətirilən Devid Moyes mətbuat konfransı keçirib. Apasport.az saytının məlumatına görə, 51 yaşlı şotlandiyalı çalışdırıcı hazırkı komandası “Everton”dan mövsümün sonunda ayrılmaq fikrində deyilmiş.

Moyes bildirib ki, Liverpul təmsilçisində hətta növbəti mövsümün hazırlıqlarına da başlayıblar: “Mövsümün sonunda müqaviləmin müddəti başa çatacaq. “Everton”dan ayrılmağı planlaşdırmayırdım. Hətta növbəti mövsümün hazırlıqlarına da başlamışdıq. Klubun prezidenti ilə də bu haqda danışırdıq. Onunla aramız çox yaxşıdır. Prezidentimiz əla insandır. Çərşənbə günü gerçəkləşdirdiyimiz görüş ikimiz üçün də çətin keçdi. Təbii ki, o, bu məsələdə mənə qarşı anlayışlı oldu. “Everton” çox yaxşı futbolçulardan təşkil edilmiş bir komandadır. Belə bir klubdan ayrılacağım üçün çox məyusam”.

Qeyd edək ki, Devid Moyes “Mançester Yunayted”də yeni işinə iyulun 1-də başlayacaq.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu