“Malaqa”nın yarımmüdafiəçisi İsko növbəti mövsüm karyerasını İngiltərə Premyer Liqasında davam etdirə bilər. Apasport.az saytının məlumatına görə, gənc futbolçu ilə “Mançester Siti” yaxından maraqlanır.

“Şəhərlilər”in rəhbərliyi artıq oyunçunun agent Rafael Komino ilə danışıqlara başlayıb. Böyük ehtimalla, İsko yayda ingilis klubuna keçəcək. “Mançester Siti” onun “Malaqa” ilə müqaviləsində yazılan məbləğin hamısını tamamilə ödəməyə hazırdır. Kompensasiyanın dəyəri isə 35 milyon avro təşkil edir.

Qeyd edək ki, bu mövsüm 21 yaşlı futbolçu “Malaqa”nın heyətində 35 matçda meydana çıxıb və rəqib qapılarından 8 top keçirib.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu