17 yaşadək futbolçular arasında Bakıda keçiriləcək III “Caspian Cup” turnirinin iştirakçılarından olan Türkiyə U-16-sı ölkəmizə qalib qismində gəlir. Apasport.az saytının məlumatına görə, qardaş ölkənin təmsilçisi paytaxtımıza gəlməzdən öncə gücünü Ukraynada Viktor Bannikovun şərəfinə keçirilən ənənəvi beynəlxalq turnirdə sınayıb.

Qrupunda Ukrayna (1:1), Polşa (2:1) və Belarusla (1:0) qarşılaşan türkiyəli yeniyetmə futbolçular birbaşa finala vəsiqə qazanıb. Həlledici görüşdə isə Hakan Tecimerin yetirmələri Rusiya ilə görüşüb və şimal qonşularımızı 59-cu dəqiqədə “Bursaspor”un hücumçusu Enes Ünalın qolu ilə məğlub edərək çempion olub.

Qeyd edək ki, Türkiyə yığması “Caspian Cup”da C qrupunda mübarizə aparacaq. “Ay-ulduzlular”ın rəqibləri Özbəkistan və İordaniya milliləridir.

• Braziliyalı vinger “Betis”i tərk etdi
• Braziliyalı forvard “Yuventus” yolunda
• “Liverpul” Portuqaliya millisinin üzvü ilə maraqlanır
• “Ayaks”ın yeni baş məşqçisi müəyyənləşib - RƏSMİ
• De Bruyne addım-addım "Napoli"yə