“Kapital Bank U-15 Liqa”nın 2012/13-cü il mövsümünün bombardiri olan “Neftçi”nin futbolçusu Emil Həsənzadə bu gün AFFA tərəfindən mükafatlandırılıb. Apasport.az saytının məlumatına görə, tədbir 26 qol vuran futbolçunun təhsil aldığı 277 saylı idman təmayüllü tam orta məktəbdə keçirilib.

Mükafatlandırma mərasimində məktəbin direktoru Ayaz Süleymanov çıxış edərək rəhbərlik etdiyi təhsil ocağının şagirdinin belə uğur qazanmasından böyük sevinc hissi keçirdiklərini deyib. Direktor tədbirin məktəbdə təşkil olunmasına görə AFFA rəhbərliyinə minnətdarlığını bildirib.

15 yaşadək futbolçulardan ibarət Azərbaycan yığmasının baş məşqçisi Təbriz Həsənov ölkəmizdə futbolun inkişafı məqsədilə müxtəlif turnirlərin təşkil edildiyini, “Kapital Bank U-15 Liqa”nın da belə turnirlərdən olduğunu deyib. Çıxışlar başa çatdıqdan sonra Həsənzadəyə AFFA-nın hədiyyələri təqdim olunub.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu