“Sumqayıt” 2013/14 mövsümü üçün transfer çalışmalarına start verib. Apasport.az-ın klubun rəsmi saytına istinadən məlumatına görə, komanda az öncə “Qəbələ”dən ayrılan Vurğun Hüseynovu heyətinə qatıb.

25 yaşlı futbolçu “Sumqayıt”la ikiillik müqaviləyə imza atıb. Hüseynov bildirib ki, burada əvvəlki formasını bərpa edib, yenidən milliyə qayıtmaq arzusundadır: “Klubda görülən işlərlə tanış olduqdan sonra müqavilə imzalamağa qərar verdim. Burada gənclərə böyük önəm verirlər. Son dövrlər “Sumqayıt” milli komandalara kifayət qədər futbolçu verib. İnşallah, özümü yaxşı tərəfdən göstərin əvvəlki formamı bərpa edib, yenidən yığmanın formasını geyinərəm".

Qeyd edək ki, “Qəbələ”nin heyətində Premyer Liqada ümumilikdə 65 oyunda çıxış etmiş Hüseynov əsas yığmamızın heyətində 20 oyuna çıxıb.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu