“Əgər Neymar həqiqətən “Barselona”ya keçəcəksə, bu bütün komanda üçün yaxşı olacaq”. Apasport.az saytının məlumatına görə, bu sözləri “Barselona”nın müdafiəçisi Dani Alves deyib.

Braziliya milli komandasının üzvü olan təcrübəli futbolçu “Santos”un hücumçusu Neymarın Kataloniya klubuna mümkün transferinə şərh verib: “Bu transfer reallaşarsa, onda Lionel Messiyə kömək edəcək. Bəzən elə olur ki, “Barselona”nın heyətində bir futbolçu çatmır. Sadəcə, komandada iki fenomenal oyunçu olsa, bu daha yaxşıdır. Neymar və Messi bir-birinə mane olacaqmı? Xeyr, onlar müxtəlif mövqelərdə oynayırlar”.

Qeyd edək ki, “Barselona” Neymarı transfer etməkdə iddialıdır. Lakin braziliyalı forvardın klubu kataloniyalıların 20 milyon avroluq təklifindən imtina etmişdi.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu