Ukraynanın “Dinamo” klubunun məşqçisi Vinçentso Pinkolini Azərbaycanda çalışmaq variantının üstündən xətt çəkib. Apasport.az saytının məlumatına görə, Kiyev təmsilçisi ilə yollarını ayırmaq üzrə olan italiyalı mütəxəssis “Qəbələ”nin məşqçilər korpusunda yer alması ilə bağlı xəbərlərə münasibət bildirib.

Ölkəmizə gələcəyi dəqiqləşən Yuri Syominin “Dinamo”da fiziki hazırlıq üzrə köməkçisi olan Pinkolini bunu real saymır: “Azərbaycana gedəcəyimlə bağlı deyilənlər şayiədən artıq bir şey deyil. İtaliyaya qayıtmaq istəyirəm. Neçə vaxtdır lazımınca qayğı göstərə bilmədiyim ailəmin yanında olmaq istəyirəm. Böyük ehtimalla karyeramı İtaliya Futbol Federasiyasında yeniyetmələr yığmalarından birində davam etdirəcəyəm”.

• “Barselona”dan “Braqa”ya - RƏSMİ
• “Çelsi” Pedro ilə müqaviləni yenilədi - RƏSMİ
• Gürcüstanlı futbolçu “Sevilya”da - RƏSMİ
• Günün canlı yayımlanacaq matçları - TV AFİŞA
• “Qalatasaray” 3 xalı 4 qolla qazandı