“Biz Luis Araqona komandanı 8 tur oyuna çıxarmağı tapşırmışdıq. Ona demişdik ki, gələcək üçün komanda yaratmaqdan ötrü gənclərə də şans versin. Düşünürük ki, o, işinin öhdəsindən gəldi”. Apasport.az saytının məlumatına görə, bunu “Qəbələ”nin vitse-prezidenti Fariz Nəcəfov deyib.

O, komandadan ayrılan Rəşad Abdullayevin gedişinə də ilk dəfə münasibət bildirib: “Düşünürəm ki, Rəşad emosional futbolçudur. Onun komandadan ayrılması səbəbini azarkeşin söz atması ilə bağlaması inandırıcı deyil. Düzü, mən Rəşadın belə açıqlama verdiyini ilk dəfə eşitdim. Məncə, o, komandadan ayrılmaq istəyirdi. Ona bunun üçün bir bəhanə lazım idi”.

Qeyd edək ki, “Qəbələ”nin kapitanı olmuş Abdullayev mətbuata açıqlamalarında komandadan ayrılma səbəbini oyunlardan birində azarkeşlərin ona yaxşı oynaya bilməməsi ilə bağlı atmacaları ilə əlaqələndirmişdi.

Səbuhi TOFİQOĞLU

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu