Türkiyə milli komandası son dövrlər qələbə qazanmaqda çətinlik çəkir. Apasport.az saytının məlumatına görə, Almaniyada təlim məşq toplanışı çərçivəsində ikinci və sonuncu yoldaşlıq matçında Sloveniya yığmasına 2:0 hesabı ilə uduzan “ay ulduzlular” son oynadığı 8 qarşılaşmadan yalnız 1-də qələbəyə sevinib.

Baş məşqçi Abdullah Avcının rəhbərlik altında olan qardaş ölkənin milliləri 4-ü rəsmi, 4-ü isə yoldaşlıq görüşlərindən sadəcə, zəif Andorranı məğlub etməyi bacarıb. 3 qarşılaşmada isə meydanı heç-heçə ilə tərk edib. Türklər 4 oyunda isə rəqib qarşısında aciz qalıblar.

Qeyd edək ki, “ay ulduzlular” son 8 matçda rəqibi 8 dəfə cəzalandırıblar. 13 topu isə öz qapılarından çıxarmaq məcburiyyətində qalıblar.

• “Fənər”də ciddi itki
• Ostervolde “Roma” yolunda - “Fənər” nə qədər qazanacaq?
• “Leypsiq”dən “Atalanta”ya - RƏSMİ
• “Barselona”dan “Braqa”ya - RƏSMİ
• “Çelsi” Pedro ilə müqaviləni yenilədi - RƏSMİ