“Qəbələ” növbəti transferini gerçəkləşdirib. Apasport.az saytının məlumatına görə, klubun vitse-prezidenti Fariz Nəcəfov maraq dairələrində olan “İnter”in seneqallı yarımmüdafiəçisi İbrahima Niassenin keçidini həll etdiklərini bildirib.

2011-ci ilin yayından ölkəmizdə çıxış edən, hər 2 mövsümündə bürünc medalçı olan 25 yaşlı afrikalı legioner karyerasını əyalət təmsilçisində davam etdirməyə üstünlük verib: “Biz artıq Niasse ilə müqavilə imzalamışıq. İki oyunçunu götürmüşük ki, bunlar azərbaycanlılardır. Göz altımızda daha bir legioner var. Heyətimizin tam komplektləşdirilməyi üçün daha 3-4 futbolçu almalıyıq”.

Qeyd edək ki, “İnter”dən millimizin üzvləri Vladimir Levinlə Nizami Hacıyevi transfer edən qəbələlilər “Simurq”un polşalı qapıçısı David Pietrzkeiviçlə müqavilə imzalayacaq.

• “Fənər”də ciddi itki
• Ostervolde “Roma” yolunda - “Fənər” nə qədər qazanacaq?
• “Leypsiq”dən “Atalanta”ya - RƏSMİ
• “Barselona”dan “Braqa”ya - RƏSMİ
• “Çelsi” Pedro ilə müqaviləni yenilədi - RƏSMİ