Türkiyə Superkubokunun keçiriləcəyi məkan müəyyənləşib. Apasport.az saytının məlumatına görə, əzəli rəqiblər - “Qalatasaray” - “Fənərbaxça” qarşılaşması ölkə xaricində baş tutmayacaq.

Belə ki, Türkiyə Futbol Federasiyası oyunun İstanbuldakı “Atatürk Olimpiya” stasionunda oynanılmasına qərar verib. 80597 azarkeş tutumuna malik olan stadionun tribunaları “Cim-Bom” və “sarı bülbüllər” üçün bərabər bölünəcək.

Qeyd edək ki, avqustun 11-də keçiriləcək bu matç üçün daha əvvəl TFF AFFA-ya müraciət etmişdi. Lakin AFFA vaxt azlığını əsas gətirərək təklifi qəbul etməmişdi. Daha sonra İsveç və Makedoniya finalı ölkələrində keçirmək üçün TFF-yə bildirsə də, federasiya bunu qəbul etməyərək hər iki ölkənin futbol federasiyalarına təşəkkür etmişdi.

• “Fənərbaxça”nın oyunu italiyalılara həvalə olunub
• "Tottenhem"in "B planı": MUDRİK ÜÇÜN ŞANS
• Günün canlı yayımlanacaq matçları - TV AFİŞA
• Çeferindən İnfantino ilə bağlı qərar – FIFA prezidentliyinə namizəd olmayacaq
• “Liverpul”dan ilk tur rekordu: 14 mövsümdür məğlub olmur